Nola hedatzen da beroa?

Beroak, hedatzeko, hainbat bide erabiltzen dituela ikusi berri dugu.

Irakasleak ez du oso ondo ulertu, nonbait, eta gure laguntza eskatu du Ikasgelako Blogean. Hedatze-bide horiek hobeto ulertzen lagunduko duten adibideak eskatzen ditu, esperientzia bidez frogatzeko modukoak.

Ea denon artean argitzen dugun hitz arraro hauen esanahia: erradiazioa, konbekzioa, kondukzioa…

DILATAZIOA.

Beroaren eraginez materian hainbat aldaketa gertatzen dira hau da, gorputzek portaera jakin bat dute berotzen direnean: DILATATU EGITEN DIRA.

Hona hemen adibide bat eta ea gehiago lortzeko gai garen!

Zergaitik daude zirrikituak zubietan? trenbidean?

Gurasoekin lanean!

Bideo honetan, zentzumenak lantzerakoan gurasoekin egindako jolasean ateratako argazki eta bideoak  aurkeztuko dizkizuegu. Itzel pasatu genuen guztiok eta pixka bat maltzurrak izateko ere aprobetxatu genuen; nori gustatzen zaio pipermina edota limoia jatea?

Mila esker guraso maiteok, lan honekin gugatik edozer egiteko prest zaudetela demostratu diguzue eta!

Oporretatik bueltan…indarberrituta!

Atzo, aste santuko oporretatik bueltatu ginen eta denborarik galdu gabe, motorrak berotu eta lanari ekin diogu. Izan ere, txanelako 5.unitatearekin hasi gara eta benetan gai interesgarri eta dibertigarria delakoan gaude. Bai ingurune eta gaztelaniarako, ikerketa kutxa eta la caja de los cinco sentidos hornitzeko materiala ekartzen hasi gara; zer egongo ote da barruan? Ukitu, usaindu, entzun, dastatu eta ikustean kontatuko dizuegu. Gu gure zentzumenak proban jartzeko irrikitan gaude!

PATATA dantza!

Elikagai motak lantzen ibili gara eta irakasleak patata bat ekartzeko eskatu zigun. Egia esan, elikagai honekin hainbat gauza egin ditzakezu bata bestea baino gozoagoa; patata tortilla, frijitu eta arrautzekin, barazkiekin…baina guk beste erabilera bat ere eman diogu! Bekokian jarri eta dantza egitea, alegia. Askotan jausi ote zaigula uste ahal duzue? Ikusi bada… Kriston barreak bota ditugu behintzat!