Oporrak!

Bai lagunok, bigarren neurketa luze hau amaitzeko eguna heldu da gaur! Aste bi izango ditugu indarberritzeko eta azken txanpari aurre egiteko prest etorriko gara.

Atzoko eguneko argazki eta Oizmendi telebistak grabatutako bideoaren loturarekin amaituko dugu.

Ondo pasa oporretan! Bi aste barru izango duue gure berri!

klikatu Bideoa ikusteko

This slideshow requires JavaScript.

Advertisements

Egin KLIKA!

Korrika Ostegun honetan, apiralak 11n,  heltzen da Bermeora, baina gu iada motorrak berotzen hasiak gara eta ikastola barruan antolatu den “gure korrikan” parte-hartu dugu eta lekukoak pasatzen ibili gara gelarik-gela.

IKA IKA IKA…..KORRIKA!!!

 

This slideshow requires JavaScript.

Gure azoka solidarioa

Atzo eta gaur EKI proiektuko bigarren unitatean prestatu dugun azokatxoa antolatu genuen. Eskuz egindako eskulan, brotxe, pultserak, eta gure objetu kutunak saldu ditugu beste gauza askoren artean.

Lortu dugun dirua Seber Altube ikastolako gurasoa den Endikarentzat izango da. Endikak, buruan aunerisma bat jasan zuen 40 egunez koman utzi zuena. Lehen orduetan aunerisma batek jotako %90ak bizia galtzen badu ere, Endika esnatu egin zen. Astiro-astiro, aurrerapausoak ematen ari da, baina lan neketsua da eta teknika garatuen beharrizana du ahalik eta hoberen sendatzeko. Honegatik guztiagaitik, lortutako dirua berari eskaintzea erabaki dugu.

Eskerrak eman gura dizkiogu azokako produktuak erosi eta lagundu diguten guztiei.

This slideshow requires JavaScript.

 

Gaurkoa bai gosari osasungarria!

Gosari osoa egiteak daukan garrantzia eztabaidaezina da. Gauzak horrela, Kaiku eta Ikastolen Elkarteak abian jarri dute Gosari Osasuntsuak proiektua, Bizkaiko 400 bat ikasleei zuzenduta. Ekimen honek jarduera teoriko-praktikoak izan ditu, eta baita lehiaketa bat ere. Honetan, ikasleek neurri errealeko behi bat margotu beharko dute. Bosgarren eta seigarren mailako ikasleek aukera bikaina izan dute gosari osasungarria dastatzeko.

This slideshow requires JavaScript.

Aratuste…aratuste…

Bai! Aratusteak ere hemen dira!  Gaur printzesak, erraperoak, apaizak, maitagarriak, bakeroak, futbolariak, pikatxua, pijamadunak eta charleston dantzariak izan ditugu gure artean. Mozorrotuta etortzea gustuko dugula nabaritzen da ezta? Bada, hau oraindik ez da amaitu, bihar ere harri-jasotzaile jantzita etorriko gara eta!

 

IMG_20190304_102240IMG_20190304_102327

img-20190304-wa0050img_20190304_135532_179

 

 

 

Arraroa bai, baina ez ikusezina!

Gaur gaixotasun arraroen nazioarteko eguna da.
Zergatik dira arraroak? Munduan oso gutxi daudelako eta gaixotasun hauei buruz oso gutxi dakigulako.
Gaur azaldu nahi dizuegu, gu ez garela ume arraroak, gaixotasunak direla arraroak.
Guri ere, zuri bezala, barre egitea gustatzen zaigu, jolastea eta eskolara etortzea.
Askotan ezin ditugu gauza batzuk zuk egiten dituzun moduan egin, baina ez da, ez dakigulako, gaixotasunak ez digulako uzten baino. Eta gauza bat eskatu nahi dizut, nire
moduan gaixotasun arraroa duten guztien izenean… utzi zuekin jolasten, utzi zuen lagun taldean ibiltzen, utzi zuotariko bat izaten.
Gaur egun berezia da guretzat eta gauza batez konturatzeko egun aproposa: gaixotasunen batengatik edo gertatzen den gauza batengatik apur bat desberdina izatea ez da gauza txarra, ezta burla egiteko arrazoia.
Lagunduko diguzu mundu guztiari esaten?
Gurekin batera aldarri egingo duzu,
Denok gara berdinak ?
Bat, bi, hiru….!
DENOK GARA BERDINAK ! Eutsi Gogor Danok Batera.

 

Kontsumo tailerrak 18-19

Ikasturtero bezala aurten ere, Kontsumobide erakundeak eskeintzen duen “kontsumorako prestakuntza ikastetxeetan” programa ibiltarian parte hartu dugu. Helburu nagusia kontsumo-arloko prestakuntzan eta hezkuntzan laguntza eskeintzea da, kontsumitzaile eta erabiltzaile kontziente, kritiko eta arduratsuak prestatzeko.

Hiru tailer izan ditugu eta oso interesgarriak eta erabilgarriak izan dira. Egia esan, gauza asko ikasi ditugu eta egoera desberdinen aurrean dugun jokabideaz ohartu gara.

This slideshow requires JavaScript.